The Great Indian Kitchen (2021)

Joe Baby

Malayalam / 1 Hr 40 Min

മഹത്തായ ഭാരതീയ അടുക്കള...!! ഭാരതീയ അടുക്കളകൾ മഹത്തരം ആകുന്നതെങ്ങനെ ആണ് എന്നാലോചിക്കാറുണ്ടോ..? കാരണം ഓരോ വിഭവത്തിനൊപ്പവും ഒരു സ്ത്രീയുടെ സ്വപ്നങ്ങളുടെയും സ്വാതന്ത്ര്യത്തിന്റെയും ഒരു അംശവും കൂടി ചേർത്തു പാകം ചെയ്യുന്നത് കൊണ്ടാകാം.

തപ്പട് എന്ന സിനിമ കണ്ടപ്പോൾ എനിക്ക് അതിനോട് അത്രക്ക് യോജിക്കാൻ പറ്റിയിരുന്നില്ല. കാരണം അയാളുടെ ഭാഗത്തെ ന്യായങ്ങൾ കണ്ടുപിടിക്കാനും ഞാൻ ശ്രമിച്ചിരുന്നു,അവളുടെ കഷ്ടപ്പാടുകൾ അധികം കാണാൻസാധിച്ചില്ല (അല്ലെങ്കിൽ കാണിച്ചില്ല). പക്ഷെ മഹത്തായ ഭാരതീയ അടുക്കളയുടെ ഭൂരിഭാഗവും പേര് പോലെതന്നെ അടുക്കളയും ഭക്ഷണം ഉണ്ടാക്കലും ക്‌ളീനിംഗും ആണ് കാണിക്കുന്നത്. ഇത് തന്നെ എന്തിനു കുറെ നേരം കാണിക്കുന്നു എന്ന് തോന്നി നമുക്ക് വിരസത വന്നേക്കാം. അപ്പോൾ ഇത് തന്നെ എന്നും ചെയ്യുന്നതിന്റെ വിരസത ആലോചിച്ചു നോക്കൂ. അടുക്കള ജോലി കഴിഞ്ഞിട്ടാകാം ബാക്കി എന്ന് പറയുമ്പോൾ, അത് കഴിയുന്നില്ലല്ലോ എന്നൊരു മറു ചോദ്യം ചോദിക്കേണ്ടിയിരിക്കുന്നു!!! 

സുരാജിനും നിമിഷക്കും സിനിമയിൽ പേരൊന്നും ഇല്ല എന്ന് തോന്നുന്നു കാരണം അവർ നമ്മുടെയെല്ലാം പ്രതിനിധി ആയതുകൊണ്ടാകാം. സിനിമ തുടങ്ങി അവസാനഭാഗം ആകുമ്പോഴേക്കും കാണുന്നവർ തന്നെ നിമിഷയുടെ സ്വാതന്ത്ര്യം ആഗ്രഹിച്ചേക്കാം. സുരാജും സുരാജിന്റെ അച്ഛൻ ആയി അഭിനയിച്ച ആളും അത്രത്തോളം വെറുപ്പ് സംബന്ധിച്ച് കൂട്ടുന്നുണ്ട്. 

  എന്റെ മാനേഴ്സിനെന്താ കുഴപ്പം..?? എന്റെ സൗകര്യം ആണ് എന്റെ മാനേഴ്സ് എന്നെല്ലാം നമ്മളും പല തവണ പറഞ്ഞു കാണും. 

കല്യാണ ശേഷമുള്ള ആദ്യ നാളുകളിൽ സന്തോഷത്തോടെ ചെയ്തുകൊണ്ടിരുന്ന പാചകം നിമിഷക്ക് അവസാനം ആകുമ്പോഴേക്കും വെറുപ്പായി മാറുന്നുണ്ട്, തുടക്കത്തിൽ വെറുപ്പോടെ ചെയ്തുകൊണ്ടിരുന്ന ക്‌ളീനിംഗ് അവസാനം ശീലമായി മാറുന്നു.  തനിക്കൊരു ജോലിക്ക് പോകണം എന്ന് പറയുന്നതിനെ അത് ഈ തറവാടിന് ചേർന്നതല്ല എന്നും തന്റെ ഭാര്യ MA വരെ പഠിച്ചിട്ടും ജോലിക്ക് പോകാതെ (ജോലിക്ക് വിടാതെ) അടുക്കളയിൽ ഇരുന്ന് ഭാരതത്തിനു വേണ്ടി ഓരോ കലക്ടർമാരെയും നേതാക്കന്മാരെയും ഉണ്ടാക്കിയെടുക്കുക ആയിരുന്നു എന്നും എത്ര അഭിമാനത്തോടെ ആണ് അയാൾ പറയുന്നത് എന്ന് നോക്കൂ. സുരാജിന്റെ അമ്മയുടെ കഥാപാത്രവും രസകരമാണ് വീടിനുള്ളിൽ നിന്ന് സാരിയുടുത്തു കഴിഞ്ഞിരുന്ന അവർ മകളുടെ വീട്ടിലേക്ക് ചെല്ലുമ്പോൾ സ്വതന്ത്ര ആകുന്നത് അവരുടെ വസ്ത്രത്തിലെ മാറ്റത്തിലൂടെ കാണാം. വ്രതമെടുക്കുമ്പോൾ അവൾ ചിട്ടകളെല്ലാം പാലിക്കാനും പഴമയോട് ചേർന്ന് നിക്കാനും അയാൾ ശ്രദ്ധിക്കുന്നു അവളെ മുറിയിൽ അടച്ചിട്ട് പുറത്തു ഉള്ളത് തൊട്ട് അശുദ്ധമാകാതിരിക്കാനും കർക്കശമായി ശ്രദ്ധിക്കുന്ന അയാൾ തനിക്കൊരു അശുദ്ധി വന്നപ്പോൾ പഴയ രീതിയായ ചാണകം കഴിക്കാതെ ഒരു കുളിയിലൂടെ ശുദ്ധി നേടി എടുക്കുന്നുണ്ട്. 

ഇങ്ങനെ പറഞ്ഞാലും പറഞ്ഞാലും തീരാത്ത പ്രശ്നങ്ങൾ സിനിമ പങ്കുവെക്കുന്നുണ്ട് പക്ഷെ സിനിമ എല്ലാത്തരം ഓഡിയൻസിനെയും പിടിച്ചിരുത്താൻ പാകം എൻഗേജിങ് ആണോ എന്ന് സംശയം ഉണ്ട്. സിനിമയുടെ അവസാനവും സന്തോഷകരമാണ് തനിക്ക് സ്ത്രീധനമായി കിട്ടിയ കാർ ഓടിച്ചു തനിക്കിഷ്ടമുള്ള ജോലി നേടി അവൾ സ്വാതന്ത്രയാകുമ്പോഴും അയാൾ പുതിയ ഭാര്യയോടൊപ്പം പഴയതുപോലെ തന്നെ ജീവിക്കുക ആണ്. 

 ദൃശ്യത്തിലെ മോഹൻലാലിനെയും പാപനാശത്തിൽ കമൽ ഹാസനെയും മലയാളികൾ താരതമ്യം ചെയ്തത്ഓർക്കുന്നുണ്ടോ..? പക്ഷെ പാപനാശം മുഴുവൻ കണ്ട ആരും (കണ്ടവരിൽ ബുദ്ധി ഉള്ളവർ) ഒരിക്കലും അത്ദൃശ്യവുമായി താരതമ്യം ചെയ്യില്ല കാരണം രണ്ട് കഥാപാത്രങ്ങളുടെയും ക്യാരക്ടർ ആർക് വ്യത്യസ്തമാണ് എന്നതാണ്. അത്തരത്തിൽ ഒരു റീമയ്ക് ( അഡാപ്റ്റേഷൻ എന്ന് പറയുന്നതാണ് കൂടുതൽ ശരി) ആണ് മാര. 

ചാർളി കണ്ട സമയത് എനിക്ക് ഉണ്ടായിരുന്ന ഒരു സംശയം ആണ് ചാര്ലിയെ പോലെ ഒരു  കാറക്ടർ ആർക് ഉള്ള ഒരാൾ, ഒരു റിലേഷൻഷിപ്പിൽ പെടുന്നു എങ്കിൽ അതിനൊരു കാരണം വേണം, ടെസ്സയോട് അടുത്ത നില്ക്കാൻ തോന്നാൻ പാകം ചാര്ലിയെ ഇമ്പ്രെസ്സ് ചെയ്യുന്ന ഒന്ന് അവളിൽ ചാർളി കാണണം. അത്തരത്തിൽ ഒന്ന് ആസിനിമയിൽ കണ്ടില്ല ചാര്ലിയെ അന്വേഷിച്ചു നടക്കുന്ന ഒരു പെൺകുട്ടി എന്നല്ലാതെ ചാർളിക്ക് ടെസ്സയോട് പ്രണയം തോന്നാൻ എന്താണ് കാരണം..? 

ചാർളി എല്ലാവരെയും പോലെ എനിക്കും ഇഷ്ടപെട്ട ചിത്രമാണ് അതുകൊണ്ട് ചാർളിയെയും മാരയെയും താരതമ്യപെടുത്തി ഇതിൽ ഏതാണ് നല്ലത് എന്ന് വാദിക്കാൻ ഞാൻ ശ്രമിക്കുന്നില്ല . പക്ഷെ എന്തുകൊണ്ട് എനിക്ക് മാര കൂടുതൽ ഇഷ്ടമായി എന്ന് പറയാം . 

    ചാർളി എവിടേയും തോൽക്കാത്ത എല്ലാവരുടെയും ആഗ്രഹങ്ങൾ നിറവേറ്റുന്ന എല്ലാവര്ക്കും പ്രിയങ്കരനായ ഒരു ജിപ്സി ആണ്. അയാളെ ഞാൻ ഭൂമിയിൽ ജീവിക്കുന്ന ഒരു മനുഷ്യനേക്കാൾ ആകാശത്തു വസിക്കുന്ന ഒരു ഏഞ്ചൽ ആയി കാണാൻ ആഗ്രഹിക്കുന്നു. മാര പക്ഷെ ഒരു മനുഷ്യനാണ് അയാൾ ജയിക്കുക മാത്രമല്ല തോല്കുക കൂടെ ചെയ്യുന്നുണ്ട്. അയാളുടെ ഏറ്റവും വലിയ ആഗ്രഹം നിറവേറ്റാൻ ആകാത്തതിൽ അയാൾ കരയുന്നുണ്ട്. മാത്രമല്ല അത് അയാൾക്ക് പൂർത്തിയാക്കാനും സാധിക്കുന്നില്ല. ചാര്ലിയെപോലെ ജീവിക്കാൻ ആഗ്രഹിക്കുന്ന, അതിനുവേണ്ടി ശ്രമിക്കുന്ന ഒരാളായി മാരയെ കാണാം 

പാറു ടെസ്സയെ പോലെ നായകന്റെ പ്രേത്യേകത കണ്ട അയാളെ തേടിപ്പുറപ്പെടുന്ന ഒരാൾ അല്ല. പാറു അന്വേഷിക്കുന്നത് അവൾ കേട്ട ഒരു കഥ ആണ് മാരയെ അല്ല. പാറുവിനു മാരയുടെ കഥയിൽ വ്യക്തമായ സ്‌പേസ്ഉണ്ട്. മാരയ്ക്ക് പൂർത്തിയാക്കാൻ പറ്റാത്ത ആ ആഗ്രഹം പൂർത്തി ആക്കുന്നത് പാറു ആണ്. 

മാരയെ ഞാൻ കൂടുതൽ ഇഷ്ടപ്പെടാൻ കാരണം മാര പ്രസന്റ് ചെയ്തിരിക്കുന്ന രീതി ആണ്. വളരെ കളർഫുൾ ആണ് മാര ഒത്തിരി നല്ല നല്ല ഫ്രേമുകൾ ഉണ്ട് മാരയിൽ. മാരയുടെ തുടക്കവും അവസാനവും മനോഹരമായ ഒരുകഥയിലാണ്, ഒരു ഫാന്റസിയിൽ. മാര കുറച്ചുകൂടി ഇമോഷണലും പ്ലസന്റുമാണ്. ചാർളിയുടെ ക്ളൈമാക്സിനെക്കാൾ ഒരു സന്തോഷകരമായ അവസാനം ആണ് മാരയ്ക്ക് ഉള്ളത്. അവിടെ അവർ ഒത്തുചേരാൻ ഒരു കാരണം ഉണ്ട്. മാരയ്ക്ക് കഴിയാത്തത് പൂർത്തിയാക്കാൻ കഴിയുന്നവർ ആണ് പാറു, മാരിയുടെ ജീവിതവും കഥയും പൂർത്തിയാക്കണം എങ്കിൽ പാറു കൂടെ വേണം .

ചാര്ലിയും മാരയും രണ്ട് വ്യത്യസ്ത സിനിമകളാണ്. രണ്ട വ്യത്യസ്ത ചുറ്റുപാടുകൾ ആണ് മാര കണ്ട് തീരുമ്പോൾ അത് കുറച്ചുകൂടെ നമ്മളോട് ചേർന്നുകിടക്കുന്ന ഒരാളായി തോന്നിയേക്കാം, കുറച്ചുകൂടി യാഥാർഥ്യമായി തോന്നിയേക്കാം. ചാർലി നാം എത്തിപ്പെടാൻ ആഗ്രഹിക്കുന്ന ഒരു ഡെസ്റ്റിനേഷൻ ആണ് അത് വളരെ മനോഹരം ആണ് പക്ഷെ അത് കുറച് അകലെയാണ്. 

ശിപായിയുടെ കഥ

ശിപായിയുടെ കഥ സിനിമക്ക് ഒരു ഫാന്റസി എലമെന്റ് നല്കാൻ വേണ്ടി മാത്രം നല്കിയതല്ല. വിക്രം വേദ, ഇബിലീസ് തുടങ്ങിയ സിനിമകൾ ശ്രദ്ധിച്ചിട്ടുണ്ടോ..? അവയുടെ തുടക്കം ഇത്തരത്തിൽ ഒരു ആനിമേറ്റഡ് സീകവൻസ് ഉണ്ട്. സിനിമ കണ്ട് കഴിഞ്ഞ് ഇത് വീണ്ടും കണ്ടാൽ സിനിമയുടെ മൊത്തം കഥയും അതിൽ ഒളിഞ്ഞിരിക്കുന്നത് കാണാം, അത്തരത്തിൽ ഒന്നാണ് ശിപായിയുടെ കഥയും. മേരി ആന്റി ശിപായിയുടെ കഥ പാറുവിനോട് പറയാൻ കാരണം എന്താണ്..? അത് മേരി ആന്റിയുടെ കഥ ആയതുകൊണ്ടാണ് ഇവിടെ ശിപായി വെള്ളയ്യയാണ്. അയാൾ തേടുന്ന അയാളുടെ ജീവൻ ഒളിപ്പിച്ച് വച്ചിരിക്കുന്ന മത്സ്യമാണ് മീനാക്ഷി ( മത്സ്യത്തിന്റെ കണ്ണുള്ളവർ). ശിപായിയുടെ ജീവൻ ഇരിക്കുന്ന  മത്സ്യം അയാൾക് നഷ്ടമാകുന്നത് വലിയ ഒരു അലയിലാണ്(മീനാക്ഷിയെ വെള്ളയ്യക്ക് നഷ്ടമാകുന്നതും ഒരു വെള്ളപൊക്കത്തിലാണ് ). തന്റെ കഥ പറഞ്ഞു പറഞ്ഞു നടക്കുന്ന ശിപായിയോട് മേഘം താൻ മൽസ്യത്തെ കണ്ടെത്തി തരാം എന്ന് വാക്കുകൊടുക്കുന്നുണ്ട്. അങ്ങനെ ഒരു ദിനം മേഘം  തിരിച്ചുവന്ന് മൽസ്യത്തെ കുറിച്ചുള്ള വിവരം ശിപായിയോട് പങ്കുവക്കുന്നു.(മേഘവും കടലും മാരയെ സൂചിപ്പിക്കുന്നു ശംഖ് പാറുവിനെയും) ശിപായി തന്റെ ശംഖ് ഊതി മൽസ്യത്തെ കണ്ടു പിടിക്കുന്നു.(വെള്ളയയുടെയും മീനാക്ഷിയുടെയും കഥ ഇതിലും മനോഹരമായി വിവരിക്കുന്നത് എങ്ങനെയാണ്) 

ഇനി പാറുവിന്റെ കഥ നോക്കിയാലോ കഥയിലെ ശിപായി പാറു ആണ് പാറു തേടിനടക്കുന്ന മത്സ്യമാണ് മാര(പാറുവിനെ കാണിക്കുന്ന മിക്ക ഫ്രയിമുകളിലും ഒരു ചുവന്ന കളറിംഗ് കാണാം, മാരയുള്ള ഫ്രയിമുകളിൽ നീലയും. ഇവരുടെ വസ്ത്രങ്ങളും പലപ്പോഴും ഇതേ നിറത്തിലാണ്) പാറു പലരോടും കഥ ചോദിച്ച് ആണ് അവസാനം തന്റെ മൽസ്യത്തെ കണ്ടെത്തുന്നത്. 

കഥയിൽ ശിപായിയും മത്സ്യവും ഒരുമിക്കുമ്പോഴാണ് ശിപായിയിൽ നിന്നും ശംഖ് കടലിൽ ചേരുന്നത് . ഇവിടെ വെള്ളയ്യയും മീനാക്ഷിയും ഒരുമിച്ച് ചേരുമ്പോൾ ആണ് പാറുവും മാരയും ഒന്നിക്കുന്നതും. 

ഇന്ത്യൻ സിനിമകളിൽ ബാക്കി എല്ലാ ഭാഷ സിനിമകളും ഇന്ത്യൻ എന്നതിൽ അഭിമാനം കൊള്ളാൻ പറയുന്നവ ആണ് അവിടെ തമിഴ് സിനിമ മാത്രം മാറി നിൽക്കുന്നത് തമിഴനിസം എന്ന കോൺസെപ്റ്റിലാണ്. വിജയ് മുതൽ എല്ലാ നടന്മാരും സ്ഥിരം ആയി ചെയ്യുന്ന അതെ തീം ആണ് കൃഷിയെ പ്രോത്സാഹിപ്പിക്കുന്ന സിനിമകൾ കൂടെ തമിഴൻ തമിഴൻ എന്നൊരു 10 തവണ പറയുകയും കൂടെ ചെയ്താൽ സിനിമ റെഡി .

ജയം രവിയുടെ 25 ആമത്‌ സിനിമ ആണ് ഭൂമി  . ജയം രവിയുടെ റീസെന്റ് ഇന്റർവ്യൂവിലെല്ലാം ഇതൊരു സാധാരണ മാസ്സ് കൃഷി സിനിമ അല്ലാതെ പുതിയ രീതിയിൽ ആയിരിക്കും എന്ന് പറഞ്ഞിരുന്നു പക്ഷെ ഭൂമിയും ഒരു സാധാ കർഷക പ്രോത്സാഹന സിനിമ ആണ്. അമിതമായാൽ അമൃതും വിഷം എന്നത് തമിഴ് സിനിമ കർഷക സംവിധായകർ ഓർക്കണം. ഭൂമിയും പുതുമ ഒന്നും സമ്മാനിക്കുന്നില്ല നാസ യിലെ പ്രമുഖ ശാസ്ത്രജ്ഞൻ ആയ ഭൂമിനാഥൻ തന്റെ നാട്ടിൽ ഒരു ഇടവേളക്ക് വരുന്നതും അവിടെ കർഷകരുടെ പ്രശ്നങ്ങൾ കണ്ട രക്ഷിക്കാൻ ഇറങ്ങുന്നതും ആണ് പുതുമ. ബി ജി എം നല്ല കേട്ടുപരിചയം ഉണ്ട് ഏതോ പാട്ടിന്റെ കോപ്പി ആണെന്ന് തോന്നുന്നു. പുതുമ ഒന്നും നൽകാതെ സ്ഥിരം കര്ഷകപ്രശ്നം പങ്കുവെക്കുന്ന സിനിമകളുടെ കൂട്ടത്തിലേക്ക് ഒരെണ്ണം കൂടി 

മാസ്റ്ററിനോളം ഹൈപ്പ് കിട്ടിയ വേറെ ചിത്രം ഇല്ലെന്ന് തോന്നുന്നു. വിജയ് എന്ന സൂപ്പർ സ്റ്റാറിന്റെ ചിത്രം എന്നത് മാത്രമല്ല തിയറ്ററുകളുടെ ഭാവി നിർണയിക്കുന്ന ചിത്രം എന്ന നിലയിലും മാസ്റ്റർ എല്ലാവരും ഉറ്റുനോക്കുന്നചിത്രമാണ്. ഒരു വർഷത്തോളം തിയറ്റർ എന്ന അനുഭവം നഷ്ടപ്പെട്ട ആളുകൾക്ക് ആ ആവേശവും തിരിച്ചുകിട്ടാൻപോകുന്നത് മാസ്റ്റർ റിലീസോടു കൂടെ ആണെന്നതും മാസ്റ്ററിനെ ഹൈപിന്റെ കൊടുമുടിയിലെത്തിക്കുന്നു. 

 രജനീകാന്തിന് ശേഷം തമിഴ് സിനിമ അല്ലെങ്കിൽ സൗത്ത് ഇന്ത്യ കണ്ട അടുത്ത സൂപ്പർ സ്റ്റാർ ആയി വിജയ് വളർന്നു തീർന്നിരിക്കുന്നു. മെർസലോടുകൂടി 'ഇളയ' എന്ന വാക്ക് മുഴുവനായും മാഞ്ഞുപോയി 'ദളപതി' എന്നപേരിലേക്ക് വിജയ് ഉയർന്നുവരുന്തോറും ആരാധകർ അല്ലാത്ത സാധാ സിനിമ പ്രേമികൾക്ക് അരോചകമാകുന്ന വിജയ് സിനിമകൾ കൂടി വരുന്നു. സർക്കാരും ബിഗിലും പേഴ്സണലി എനിക്ക് വളരെ മോശപ്പെട്ട ചിത്രങ്ങളായാണ് അനുഭവപ്പെട്ടത് അങ്ങനെ വിജയ് ഹെയ്റ്റർ എന്ന നിലയിലേക്ക് മാറുമ്പോഴാണ് ലോകേഷ് കനഗരാജ് വിജയ് കോംബോ വരുന്നത്. സാധാ മാസ്സ് സിനിമകളിൽ നിന്ന് മാറി ഒരു പുതിയ മാസ്സ് പരിവേഷത്തിലാണ് തന്റെ മുൻപത്തെ രണ്ട് സിനിമകളും ലോകേഷ് അവതരിപ്പിച്ചത് അതിനാൽ തന്നെ ലോകേഷിന്റെ ഈ സിനിമയിലും ഒരു പ്രതീക്ഷ വരുന്നു. ആദ്യമേ തന്നെ ലോകേഷ് പറഞ്ഞിരുന്നു,  സാധാ വിജയ്മാനറിസങ്ങളും ഡയലോഗുകളും ഇല്ലാതെ വിജയ് എന്ന താരത്തെ മാസ്സ് ആയി അവതരിപ്പിക്കാൻ താൻശ്രമിക്കുന്നു എന്ന് , തുടർന്ന് വിജയ് ഒരു 100% സംവിധായകന്റെ ചിത്രത്തിന് തയ്യാറായി എന്നതും അത് പിന്നീട് 50% ലേക്ക് മാറി എന്നതും ലോകേഷ് പറയുകയുണ്ടായി. അത്തരത്തിൽ പ്രതീക്ഷകളുടെ ഭാരത്തോടുകൂടി തന്നെ കണ്ട സിനിമയാണ് മാസ്റ്റർ.  

സിനിമയുടെ തുടക്കം തന്നെ ഭവാനി എന്ന വില്ലന്റെ കഥയോട് കൂടിയാണ്, ഭവാനി എന്ന വില്ലനും അയാളുടെ വില്ലനിസവും വളരെ നന്നായി തന്നെ വിജയ് സേതുപതി അവതരിപ്പിക്കുന്നു. ഭവാനിയുടെ ക്രൂരതകൾ  അവസാനിപ്പിക്കാൻ ശക്തനായ ഒരു നായകൻ വേണം എന്ന് ആഗ്രഹിക്കുന്നിടത്താണ് JD എന്ന ജോൺ ദുരൈരാജ് എത്തുന്നത്. JD യുടെ കഥയും കോളേജ് ജീവിതവും തുടർന്ന് VIJAY vs VJS എന്ന കോൺഫ്ലിക്റ്  ഇന്റർവെൽ ബ്ളോക് വരെ സിനിമ നല്ല രീതിയിൽ തന്നെ പോകുന്നുണ്ട്. ലോകേഷ് കനഗരാജ് എന്ന സംവിധായകൻ വിജയ് എന്ന സൂപ്പർ താരത്തെ പ്ലേസ് ചെയ്തിരിക്കുന്ന രീതി മനോഹരമായിരിക്കുന്നു . സാധാരണ വിജയ് സിനിമകളിലെ പോലെ നായകൻറെ പേരെന്തെന്ന് ക്ലൈമാക്സ് വരെ ആരും അറിയുന്നില്ല JD എന്ന വിളിപ്പേരിൽ അത് ഒതുങ്ങുന്നു. മറ്റു വിജയ് സിനിമകളിലെ പോലെ അമാനുഷികനല്ല അയാൾ ബബിൾ ഗം വായിലേക്കിടുമ്പോൾ താഴെ പോകുന്നതും അമ്പെയ്യുമ്പോൾ ലൈറ്റിൽ കൊല്ലുന്നതും ഒക്കെ ഒരു വിജയ് സിനിമയിൽ കാണുന്നത് സന്തോഷകരം തന്നെയാണ്. വിജയ് എന്ന സൂപ്പർ താരത്തിൽ നിന്ന് വിജയ് എന്ന നടനിലേക്കുള്ള ഒരു യാത്രയുടെ തുടക്കം ലോകേഷ് കുറിച്ചിരിക്കുന്നു അതിനു ഏറ്റവും മനോഹരമായ ഉദാഹരണം മാളവിക ഒരു അപകടത്തിൽ പെടുന്ന സീൻ ആയിരുന്നു അവിടെ വിജയ് സാധാരണ ചെയ്യുന്നതുപോലെ പറന്നുപോയി പിടിക്കുന്നില്ല പകരം ആ കൊച്ചുകുട്ടി ആണ് അവിടെ ഹീറോ അവനാണ് നായികയെ രക്ഷിക്കുന്നത് അവിടെ വിജയ് നിസ്സഹായനായി നിൽക്കുന്നത് കാണാം. ക്ലൈമാക്സിലും ഭവാനി എന്ന ഉരുക്കു കൈ ഉള്ള (കൈയുടെ പവർ എങ്ങനെ വരുന്നു എന്നത് കാണിച്ചിരിക്കുന്നത് വളരെ മനോഹരമായി) വില്ലനായി പിടിച്ചു നില്ക്കാൻ JD പാടുപെടുന്നുണ്ട്. പതിവുപോലെ ഓരോ ഫ്രേമും ലോകേഷ് സെറ്റ് ചെയ്യുന്നത് മനോഹരമായാണ് ആക്‌ഷൻ സീനുകളിലെ കാമറ മൂവേമെന്റ് ഒക്കെ മനോഹരമാണ്. ഇംഗ്ലീഷ് ഗാനങ്ങളോടുള്ള ലോകേഷിന്റെ പ്രിയവും നന്നായിരുന്നു. 

പക്ഷെ രണ്ടാം പകുതി തുടങ്ങുമ്പോൾ സ്ഥിരം വിജയ് സിനിമ രീതിയിലേക്ക് ചിത്രം മാറി സഞ്ചരിക്കുന്നു . ലോകേഷ് മുൻപ് പറഞ്ഞ 50% ഡയറക്ടർ സിനിമ ആദ്യ പകുതിയും ബാക്കി 50% വിജയ് സിനിമ രണ്ടാം പകുതിയുമാണെന്ന് തോന്നുന്നു . ആദ്യ പകുതിയിൽ കിട്ടുന്ന ഇമോഷണൽ ബിൽഡ് ആപ്പുകൾ രണ്ടാം പകുതിയിൽ തകർന്നടിയുന്നു. ഇത്രയും ക്രൂര ചിന്താഗതിയുള്ളവരെ പെട്ടെന്ന് ചെന്ന് 2 മിനിറ്റു പ്രസംഗത്തിലൂടെ മാറ്റിയെടുക്കുന്നത് അസഹനീയം ആയിതോന്നി . രണ്ടാം പകുതിയിലെ വിജയ് മാസ്സ് എലമെന്റുകൾ എല്ലാം നനഞ്ഞ പടക്കം പോലെ വേണ്ട ഇമ്പാക്ട് ഉണ്ടാക്കിയില്ല. ആൻഡ്രിയ, ശ്രീമാൻ തുടങ്ങിയ നല്ല അഭിനേതാക്കളെ വെറുതെ കൊണ്ടുവന്ന പോലെ തോന്നി അവർക്ക്  പ്രതീക്ഷിച്ച പോലെ രംഗങ്ങൾ ഒന്നും ഉണ്ടായില്ല 

ലോകേഷ് കനഗരാജിന്റെ മറ്റു രണ്ടു ചിത്രങ്ങളും ഏതെങ്കിലും ഒരു കമൽ ഹാസൻ കഥാപാത്രത്തെ വേറൊരുസ്ഥലത്തു പ്ലേസ് ചെയ്യുന്നതാണ്. ഇവിടെയും നമ്മവർ എന്ന കമൽ ഹാസൻ സിനിമയിലെ കഥാപാത്രം ആണ് JD.  ക്ലൈമാക്സ്  നോടടുക്കുമ്പോൾ നമ്മവരുമായി വളരെ ബന്ധം തോന്നുന്നു 

മൊത്തത്തിൽ ലോകേഷ് കനഗരാജിന്റെ ചിത്രം എന്ന രീതിയിൽ ഇതൊരു നിരാശ ആണ്.  മുൻ ചിത്രങ്ങളെ പോലെ ഒരു ഓളം ഉണ്ടാക്കാൻ മാസ്റ്ററിനു ആയില്ല. പക്ഷെ വിജയുടെ രീസെന്റ് ഫിലിമോഗ്രാഫിയിൽ ആകെ ഒരു നല്ലസിനിമയായി ഇതിനെ പറയാം. ദളപതി 65 നെൽസൺ സംവിധാനം ചെയ്യുന്നു എന്നറിയുന്നതിലൂടെ ഇനി സർക്കാരും ബിഗിലും ഒന്നും കാണേണ്ടി വരില്ല എന്നോർത്തു സമാധാനിക്കുന്നു.